Masakrimi i biznesmenit të huaj, policia shoqëron 9 persona në Tiranë dhe Durrës - Thesari

Ende asnjë i arrestuar për dhunimin e biznesmenit libanez me pasaportë amerikane Faad Mitri, makina e të cilit u përplas sot në kryqëzimin e Laknasit me rrugën e Rinasit dhe më pas u dhunua barbarisht nga 4 persona.

Siç bëhet me dije, janë shoqëruar 9 persona në Tiranë dhe në Durrës të cilët po merren në pyetje. Ka dyshime se autorët u larguan në drejtim të Durrësit pasi dhunuan në mes të rrugës sipërmarrësin dhe shoferin e tij.

Pasi u dhunua, biznesmenit iu dha ultimatum nga autorët që të largohej nga Shqipëria ose të ndërpriste punimet në Gjirin e Lalzit. Faad Mitri po investon në këtë zonë 1.5 miliardë Euro për një resort turistik.